четврток, 26 јули 2012, 14:15
Медитацијата е непријател на осаменоста
Возрасните, кои се чувствуваат осамени, се изложени на поголем ризик од здравствени проблеми како срцеви заболувања, Алцхајмерова болест и предвремена смрт.
Научниците открија нов начин да им помогнат на луѓето да ја надминат осаменоста. Според нив, некои техники за време на медитација го намалуваат чувството на изолација и во исто време ја зголемуваат способноста за борба против разни болести.
"Често им препорачуваме на возрасните да ги откажат цигарите и да почнат здрав начин на живот, но забораваме дека не помалку зло е осаменоста, со која се соочуваат повеќето од нив", објаснија лекарите.
Според нив, осаменоста е главен ризик фактор за здравствените проблеми и морталитет кај возрасните. Новото истражување покажува дека медитирањето е ветувачки метод за подобрување на здравјето на постарите лица.