понеделник, 20 февруари 2012, 16:42
За подолг живот - постeте
Постењето еден-два дена неделно ве чува од Алцхајмерова болест, Паркинсонова и други невродегенеративни заболувања, утврдиле научници од Американскиот национален институт за стареење во Балтимор, Мериленд, соопшти весникот "Дејли телеграф".
Одамна е познато дека намаленото внесување на калории ја зголемува должината на животот на стаорци и глувци. Се претпоставува дека ефектот е сличен и кај луѓето, но беше тешко оваа хипотеза да биде тестирана.
"Намалениот прием на калории помага на мозокот, но постигнувањето на сличен ефект со прекин на исхраната не е најдобриот метод за стекнување на оваа заштита“, изјави проф Марк Матсон од лабораторијата за невронауки во институтот.
Најдобро е да се пристапи кон периодично постење, при што едвај јадеме нешто, а потоа се движи кон периоди во кои се јаде до наситување.
Невротрансмитерите во мозокот се активирани кога внесувањето на калории е намален. Резултатите од истражувањето беа презентирани на годишната конференција на Американската асоцијација за напредок во науката во Ванкувер, Канада.