среда, 15 февруари 2012, 12:32
Дали се разведуваат Џони Деп и Ванеса Парадајс?
Холивудскиот глумец Џони Деп ја напушти Франција и се врати во САД, по гласините за неговиот развод со француската актерика и пеачка Ванеса Парадајс.
Тој купи вила во Холивуд Хилс каде планира да оствари нов почеток. Веќе изгради и сопствено студио така што ќе може да минува повеќе време снимајќи нови песни.
- Џони вложува многу време и пари во својот нов дом во Холивуд. Нејасно е дали ќе живее сам или со семејството, но очигледно е дека ќе и се посвети на музиката, ја пренесува таблоидот „Сан“ изјавата на извор близок на глумецот.
Џони беше музичар пред да се прослави како актер, така што неговата одлука да се посвети на музиката и не зачудува. Тој е доста солиден гитарист, што го докажа и во октомври минатата година кога свиреше на еден концерт заедно со членот на Ролинг Стоунс, Кит Ричардс.