четврток, 16 февруари 2012, 08:47
Игрите за „Сони Плејстејшн“ отсега и на смартфоните на ХТЦ
Тајванската компанија ХТЦ ќе биде една од првите надвор од компанијата „Сони“ која ќе добие сертификат за конзолата „Плејстејшн“ на своите смартфони и таблети, соопштено е во Њујорк.
Се очекува ХТЦ и „Сони“ тоа заедно да го објават со соопштение на претстојната изложба „"Mobajl vorld kongres“ во Барселона, кон крајот на овој месец.
Сопствениците на смартфони и таблети на ХТЦ на овој начин ќе добијат можност да играат сертифицирани игри од „Плејстејшн“
Сертифицираната програма на „Сони Плејстејшн“ за прв пат беше почната во јануари 2011 година.
Доколку сите овие вести станат реалност ХТЦ ќе стане првата странска компанија чии уреди ќе поддржуваат игри на „Плејстејшн“
Засега таквата можност ја имаат само апаратите на „Сони“.