понеделник, 20 февруари 2012, 09:37
Индискиот град Колката ќе се претвори во син град
Четиринаесет милионскиот индиски град Колката (поранешна Калкута) ќе биде обвиен со сина светлина, а многу од зградите ќе бидат бојадисани во бледосини тонови, одлучиле управниците на градот.
Мостовите во градот, кои датираат од колонијалната епоха, веќе се бојадисани во бледосини тонови, додека историските и спомениците на архитектурата се осветлени во сина светлина.
Многумина во Колката не се воодушевени од иницијативата и сметаат дека тоа се „пари фрлени во ветер“.
Во написот на весникот „Колката телеграф“ се предлага парите, кои ќе бидат потрошени за претворањето на Колката во син град, да бидат искористени подобро за реформа на хаотичниот здравствен систем, за воведување стандарди и за контрола на загадувањето и за присуството на арсен во водата, за ремонт на остарениот канализациски систем, за обезбедување на подобри автобуси наместо сегашните „автобуси-убијци“, како и за реновирање на аеродромот.