понеделник, 20 февруари 2012, 12:10
Јавни расправи за влијанието врз животната средина од израдбата на автопатот М-5
Министерството за животна средина и просторно планирање ја стави на јавна расправа Студијата за оцена на влијанието врз животната средина на проектот „Изградба на автопатот М-5 на делниците од Црна Скала (граница со Република Бугарија) кај Делчево - Виница - Кочани - Штип - Велес“.
Во рамки на тоа предвидено е да се одржат собири во општините низ кои поминува трасата на автопатот.
За утре најавени се собири во општините Велес и Свети Николе, во среда во Штип и Кочани, а во четврток во Делчево.
Инвеститор на проектот е Агенцијата за државни патишта на Република Македонија.
Интересот кај граѓаните од општините во Источна Македонија за реализација на проектот е голем, бидејќи со автопатот ќе се намали растојанието од Делчево до Софија, а со тоа и до Турција.