петок, 17 февруари 2012, 14:41
Двајца охриѓани повредени со нож
Во тепачка во Охрид на ул. „Цар Самоил“ две лица се повредени со нож, а напаѓачите се во бегство.
Тројца охриѓани Н.Д.(29), А.Ф.(31)и А.Ј.(31) го нападнале 33-годишниот С.Т. а во тепачката интервенирал 36- годишниот Н.Ч. во обид да ги раздвои, соопшти полицијата.
При тоа Н.Ч. бил нападнат со остар предмет во пределот на стомакот, а исто така бил повреден и С.Т. (33).
На Н.Ч. му е укажана лекарска помош во Медицинскиот центар во Охрид а потоа е пренесен и задржан на лекување во Медицинскиот центар Струга, а на С.Т. му е укажана лекарска помош во Медицинскиот центар Охрид.
СВР Охрид презема мерки за пронаоѓање на учесниците во тепачката и целосно расчистување на случајот.