среда, 22 февруари 2012, 14:46
Писмо од вицепремиерот Арифи до премиерот и претседателот на Албанија
Писмо со сочувство заменикот на претседателот на Владата на Република Македонија задолжен за европски прашања д-р Теута Арифи до премиерот на Република Албанија Сали Бериша и претседателот на Република Албанија Бамир Топи
Почитувани,
По повод трагичниот настан во Авганистан, во кој животот го загуби еден војник од Република Албанија, а друг беше потешко повреден, заменикот на претседателот на Владата на Република Македонија задолжен за европски прашања д-р Теута Арифи испрати писмо со сочувство до премиерот на Република Албанија Сали Бериша и претседателот на Република Албанија Бамир Топи.
Во прилог Ви го испраќаме интегралниот текст на писмото:
„Почитуван господин Премиер,
По повод трагичната смрт на албанскиот војник во Авганистан, дозволете да изразам искрено сочувство до неговото семејство и до албанскиот народ.
Загубата на овој млад живот е голема трагедија за неговото семејство и за земјата, но тој го даде животот за една повисок цел во обид да се зачува мирот и стабилноста во Авганистан во рамки на здружените сили на НАТО. Токму затоа неговиот придонес во оваа мисија никогаш не смее да се заборави.
Во оваа прилика дозволете да ја изразам и мојата желба за брзо закрепнување на другиот војник кој беше тешко повреден и негово безбедно враќање во семејството.
Со почит,
Др. Теута АрифиЗаменик на претседателот на Владатазадолжен за европски прашања“