среда, 22 февруари 2012, 12:35
Во кочанската Општа болница 29 пациенти на дијализа заразени со хепатит Ц
Во Кочанската Општа болница во Одделението за дијализа има појава на заразени пациенти со хепатит Ц и хепатит Б.
Според изјавата на директорот на Општа Болница Кочани, др. Дејан Апостоловски, од 43 пациенти кои одат на дијализа во одделение за дијализа, 29 се заразени со хепатит Ц, а 8 со хепатит Б. Останатите се негативни и се водат на апарати кои не се заразени. Инаку, еден апарат го користат 4 лица.
Апостоловски потенцира дека секојдневно се работи со заразените од хепатит Ц, а ситуацијата будно се следи и по потреба се интервенира.
Во Општа болница се прават напори да се стават во функција 17-те дијализери кои пред месец дена беа донирани од Владата и Министерството за здравство на Општа болница -Кочани.