сабота, 18 август 2012, 11:56
Манчестер Јунајтед со понижувачка понуда за Дембеле
Манчестер Јунајтед направил неуспешен обид да го привлече халфот на Фулам, Муса Дембеле, тврди "Talk Sport".
Црвените ѓаволи понудиле за белгискиот репрезентативец понуда во вредност под 5 милиони фунти, која била сметана за мала од менаџерот на лондончани Мартин Јол кој го проценува многу повисоко својот играч.
Холандскиот тренер негираше дека Реал Мадрид упатиле предлог за Дембеле, какви што гласини имаше, но откри дека имало понуда за напаѓачот од страна на тим од Премиерлигата.
Јол ја одреди предложената сума како понижувачка, а "Talk Sport" пишува дека тимот кој пробал да го земе Муса Дембеле речиси за без пари бил токму Манчестер Јунајтед.