понеделник, 20 февруари 2012, 10:51
Одиграно 9.коло од ракометната Лига на шампионите
Со натпреварот Кил – Адемар Леон одигран синоќа беше комплетирано 9.коло од ракометната Лига на шампионите за ракометари.
Македонскиот првак Металург со победата против Висла ги задржа шансите за освојување на второто место во „Ц“ група.
Во групите „А“ и „Д“ познати се екипите, кои ќе играат во ТОП 16 фазата, додека во „Б“ групата познато е дека Атлетико Мадрид е прв, а дури четири екипи конкурираат за трите места.
Во „Ц“ групата, каде игра Металург, Хамбург е прв, за втората позиција конкурираат Металург и Копер, додека Висла е во предност пред Санкт Петербург, но во последното коло гостува во Русија.
Преглед на резултатите од 9.коло: Кадетен Шафхаузен – Шамбери 28:24, Барселона – Загреб 29:30, Босна – Савехоф 20:38 „(“А група); Чеховски Медведи – Веспрем 30:26, Силкеборг – Киелце 26:37, Атлетико Мадрид (Кирил Лазаров – 4.голови) – Берлин 32:27 („Б“ група); Висла – Металург 20:24, Хамбург – Копер 27:27, Констанца – Санкт Петербург 24:26 („Ц“ група); ПИК Сегед – Партизан 31:21, Монпеље – Копенхаген 27:31 и Кил – Адемар Леон 38:28 („Д“ група).
Табела „А“ група: Барселона 16 бодови, Загреб 14, Савехоф 10, Кадетен Шафхаузен 8, Шамбери 6, Босна 0.
Табела „Б“ група: Атлетико Мадрид 16, Килеце 10, Веспрем 10, Чеховски Медведи 9, Берлин 9, Силкеборг 0.
Табела „Ц“ група: Хамбург 17, Металург 12, Копер 11, Висла 7, Ст.Петербург 5, Констанца 2.
Табела „Д“ група: Кил 15, Копенхаген 14, Адемар Леон 11, Монпеље 8, ПИК Сегед 6, Партизан 0.