четврток, 16 февруари 2012, 10:33
Четири натпревари од 9.коло од ракометната Лига на шампионите
Со одигрување на четири натпревари вечерва ќе стартува претпоследното 9.коло од ракометната Лига на шампионите.
Два дуела се играат во групата „Ц“ каде за второто место се бори и македонскиот првак Металург. Водечкиот во групата Хамбург го пречекува Копер, додека Констанца е домаќин на Санкт Петербург.
Третиот натпревар од вечерашната програма е дуелот од „А“ групата, Кадетен Шахфаузен – Шамбери, кој директно решава за четвртото место во оваа група и пласман во ТОП 16 фазата.
Четвртиот дуел е Чеховски Медведи – Веспрем од „Б“ групата.
Металург својот натпревар од 9.коло ќе го одигра в недела од 17:30 часот против првакот на Полска, Висла.
На другите натпревари во текот на викендот играат: Барселона – Загреб, Босна – Савехоф („А“ група); Силкеборг – Киелце, Атлетико Мадрид – Берлин („Б“ група); ПИК Сегед – Партизан, Монпеље – Копенхаген и Кил – Адемар Леон („Д“ група).
Табела „А“ група: Барселона 16 бодови, Загреб 12, Савехоф 8, Кадетен Шафхаузен 6, Шамбери 6, Босна 0.
Табела „Б“ група: Атлетико Мадрид 14, Веспрем 10, Берлин 9, Киелце 8, Чеховски Медведи 7, Силкеборг 0.
Табела „Ц“ група: Хамбург 16, Металург 10, Копер 10, Висла 7, Ст.Петерсбург 3, Констанца 2.
Табела „Д“ група: Кил 13, Копенахген 12, Адемар Леон 11, Монпеље 8, ПИК Сегед 4, Партизан 0.