понеделник, 30 јули 2012, 10:40
Мото GP: Стонер триумфираше во трката за Големата награда на САД
26-годишниот Австралиец останува 3-ти во генералниот пласман на 9 поени од Дани Педроса (Шпанија) и 32 поени од лидерот Хорхе Лоренцо (Шпанија).
На Лагуна Сека, Стонер заврши со време 43:45.961 минути, на 2-то место на 3.429 секунди заврши Хорхе Лоренцо со Јамаха. Трети се нареди Дани Педроса.
Стонер ја постигна четвртата победа од почетокот на сезоната. Надвор од првите тројца, кои се и претенденти за титулата, добро возење оствари и Италијанецот Андреа Довициозо, кој заврши 4-ти на 18 секунди од Стонер.
Познатата патека која изобилува тешки делови, Лагуна Сека беше причина две од најголемите ѕвезди да завршат со натпреварување доста порано. Легендата Валентино Роси падна по 29-тиот извозен круг, но за радост немаше никакви повреди. Американецот Бен Спис исто така падна, 11 круга пред крајот, но немаше изгледи за сериозни последици по падот.