среда, 22 февруари 2012, 18:19
Кол: Поради лошата тактика на тренерот, нема да освоиме ниту една титула
Фудбалерот на лондонски Челзи, Ешли Кол остро го критикуваше менаџерот на тимот Андре Вила-Боаш, изјавувајќи дека тој е главен виновник поради кој екипата нема да освои ниту еден трофеј оваа година.
Челзи е поразен од Наполи со резултат од 3:1 во првиот натпревар од осминафиналето во Лигата на шампионите и има минимални шанси да го надополни заостатокот на реваншот за две недели во Лондон.
Според таблоидот Сан, уште пред мечот настанала караница меѓу играчите, па така Вила-Боаш решил да ги остави на клупа Лампард, Есјен и Кол.
“Дојдов овде да освојувам трофеи, но тоа нема да се случи поради лошата тактика на тренерот“, изјави Кол по натпреварот со Наполи.
Англиските медиуми наведуваат дека веќе ништо неможе да го спаси Португалецот на клупата на Челзи и дека се во прашање денови кога ќе добие отказ.