среда, 22 февруари 2012, 10:55
Болоња подобра од Фиорентина во одложен натпревар од Серија А
Екипата на Болоња вчеравечер постигна победа од 2:0 против Фиорентина во еден од одложените натпревари од 21.коло од Серија А, кои на почетокот на месецот не се одиграа поради лошите временски услови.
Головите за Болоња во првото полувреме ги постигнаа Алесандро Диаманти во 30.минута и Гастон Рамирез во 43.минута.
Со новите три бодови Болоња се изедначи со Фиорентина со по 28 бодови. На табелата Болоња се наоѓа на 14.место, додека Фиорентина е 13.то пласирана.
Денеска во терминот од 18:30 часот ќе се одигра уште еден одложен натпревар од ова коло, а тоа е дуелот меѓу Сиена и Катанија.