вторник, 21 февруари 2012, 15:29
Гвардиола од летоска во насока Англија или Италија
Тренерот на Барселона Хосеп Гвардиола може да го смени клубот и од летоска да преземе тим од Англија или Италија. Каталонското издание Sport пишува дека минатата недела емисари на Челзи биле на трибините на "Ноу Камп" за да ја тестираат ситуацијата околу Гвардиола и дали тој би имал интерес да ги преземе “Сините“.
Претседателот на Интер Масимо Морати исто така одамна не крие дека е фан на квалитетите кои ги поседува Пеп Гвардиола, и има огромна желба да го види на чело на својот тим.
И Челзи и Интер имаат куп проблеми во последно време и на Андре Вила-Боаш и на Клаудио Раниери сериозно им се растресени позициите на Стемфорд бриџ и на Џузепе Меаца.
Договорот на Гвардиола со Барселона истекува летоска и тој допрва започнува разговори со клубот за нов. Младиот тренер продолжува да биде не сигурен дали сака да продолжи со оваа исклучително напната работа, или е време за одмор.