e shtunë, 18 shkurt 2012, 17:13
Hirscher triumfon në sllallomin gjigant
Marcel Hirscher ka triumfuar në sllallomin gjigant të Banskos, i cili po mbahet në bjeshkët e Bulgarisë. Skitari austriak e ka mbyllur garën për kohën 2’25"35.
I dyti u rendit italiani Massimiliano Blardone, duke përfunduar për kohën 2’26"74, vetëm 1"39 prapa fituesit të garës.
Në pozitën e tretë përfundoi një tjetër skitar austriak, Marcel Mathis (2’26"81).
Gara u karakterizua me gabimin e amerikanit Ted Ligety, i cili ishte lider deri në gjysmën e garës, por e bëri një gabim kolosal në gjysmën e dytë dhe përfundoi i 27-ti, më shumë se 7” nga kryesimi.