e enjte, 02 shkurt 2012, 14:44
Bora pengon prezantimin e Ferrarit
Skuderia e Ferrarit u detyrua të anulojë promovimin e makinës për sezonin e ardhshëm në Formula 1 për shkak të borës dhe temperaturave shumë të ulëta në Itali. Prezantimi ishte planifikuar për ditën e premte në Maranello, por pas anulimit makina e re do të prezantohet të hënën në “Jerez” të Spanjës, para testimit të parë para-sezonit.
“Ne e morëm këtë vendim për shkak të kushteve të këqija atmosferike dhe vështirësive që do të përballet me adhuruesit, anëtarët e ekipit dhe të medias,” – thuhej në deklaratën e Ferrari.
Deri më tani, makinat e tyre i kanë prezantuar vetëm Keterhem dhe McLaren, ndërsa ekipet e tjera do të bëjnë në ditët e ardhshme.
Ferrari sezonin e kaluar përfundoi i treti në kampionatin e konstruktorëve, ndërsa Fernando Alonso ishte i katërti ndër shoferët, dhe Felipe Massa i gjashtë.