e mërkurë, 22 shkurt 2012, 11:55
Dejvid Bekam, sportisti më me stil
Dejvid Bekam së bashku me djalin e tij, Kruz, mori çmimin e sportistit të veshur më së miri, i cili kësaj radhe iu dha në manifestimin e fëmijëve "Cartoon Network Hall Of Game Awards".
Bekam mori çmimin nga adhuruesit e televizionit që transmeton filma vizatimorë "Cartoon Network", dhe për të votuan publiku deri në 17 vjeç.
Futbollisti i famshëm në ceremoninë për dhënien e çmimit u shfaq i shoqëruar nga fëmija më i vogël Kruz, me të cilin u ngjit në skenë dhe u falënderua për çmimin. Përndryshe, Bekam rregullisht merr bijtë e tij me vete në ngjarje të ndryshme, më çka ai konfirmon atë që ka thënë kohët e fundit, që fëmijët e tij gjithmonë janë në rend të parë.
Të nominuar për të fituar këtë çmim ishin edhe ylli i Miami Heat, basketbollisti Dwyane Wade, tenistja amerikane Serena Williams dhe lojtari i bejsbollit, Brian Wilson.