e mërkurë, 22 shkurt 2012, 11:03
Zv.kryeministri Peshevski në konferencën ndërkombëtare në Gjenevë
Zëvendëskryetari i Qeverisë i obliguar për çështje ekonomike Vladimir Peshevski do të marrë pjesë në konferencën ndërkombëtare “Ditët e partneritetit privat publik 2012” që mbahet prej datës 21 deri më 24 të këtij muaji në Gjenevë, Zvicër.
Zëvendëskryeministri do të përqendrohet në nevojat për partneritetin publik privat për Qeveritë, veçanërisht në vendet në zhvillim siç është edhe Maqedonia. Pritet gjithashtu të identifikohen dhe konfirmohen projektet prioritare për partneritetin publik privat, procesi i adaptimit duke i përfshirë të gjitha palët e prekura, si dhe menaxhmenti i dakorduar i cili nënkupton arritje të marrëveshjeve për bashkëpunim midis institucioneve dhe sektorit privat.
Në ditën e tretë do të mbahet biznes forumi, ndërsa dita e katërt dhe e fundit është planifikuar për vizita të projekteve të suksesshme të PPP-së.
Ngjarja e madhe botërore në të cilën janë ftuar delegacione të larta shtetërore dhe ekonomistë nga shumë vende, midis të cilave edhe nga Afrika dhe Amerikan jugore, e organizojnë Komisioni Evropian i KB-së për Evropë, Instituti i Bankës botërore dhe Banka aziatike për zhvillim.