e enjte, 02 shkurt 2012, 16:32
Ministri Saraçini në Këshillin joformal për konkurrencë në Kopenhagë
Ministri i Ekonomisë, Valon Saraçini me ftesë të ministrit të Biznesit dhe Zhvillimit të Danimarkës, sot dhe nesër merr pjesë në punën e Këshillit joformal për konkurrencë në Kopenhagë.
Qëllimi i Këshillit është që në nxitë dialog mes vendeve-anëtare, por edhe mes vendeve-kandidate për hyrje në familjen evropiane dhe të kontribuojë për ngritje të ndërgjegjës për aksionet konkrete, të cilat duhet të jenë prioritet për krijimin e tregut të vetëm funksional digjital.
Ministri Saraçini, siç informojnë nga Ministria e Ekonomisë, në mbledhje do të përqendrohet në plotësimin e qëllimeve nga strategjia e BE 2020 dhe Axhenda digjitale, duke i prezantuar edhe aktivitetet reformuese dhe projektet në drejtim të krijimit të ekonomisë konkurrente.
"Këtë vit shënohet 20 vjetori i fillimit të tregut të vetëm evropian, ndërsa gjatë Presidencës daneze me BE-në, gjatë mbajtjes së Këshillit joformal për konkurrencë, do të negociohet edhe për reformat e unitetit në treg, të ashtuquajtur tregu i lirë", thonë nga Ministria e Ekonomisë.
Kjo, konsiderojnë nikoqirët do të jetë një nga reformat më të mëdha të legjislativës në 20 vitet e kaluara.