e mërkurë, 22 shkurt 2012, 12:21
Zelandë e Re, përkujtohen viktimat e tërmetit të një viti më parë
Zelanda e Re ka përkujtuar me dy minuta heshtje viktimat e tërmetit vdekjeprurës, të një viti më parë.
Nga tërmeti humbën jetën 185 njerëz, ndërsa qyteti i dytë për nga madhësia në këtë vend, Kristçërç, pësoi shkatërrime të mëdha.
Afro 20 mijë persona, përfshirë edhe shumë të afërm të tyre që humbën jetën nga tërmeti, morën pjesë në një ceremoni përkujtuese në parkun kryesor të qytetit, Kristçërç.
Me këtë rast u lexuan emrat e 185 personave, që humbën jetën nga tërmeti.
Kryeministri Xhon Ki tha se ky tërmet do të mbahet mend si dita më e zezë në historinë e Zelandës së Re, ndërsa qyteti Kristçërç do të rindërtohet.