e premte, 03 shkurt 2012, 13:41
Jep dorëheqje ministri britanik i Energjisë Kris Hjun
Ministri britanik i Energjisë, Kris Hjun ka njoftuar se do të japë dorëheqje pasi që i është thënë se do të përballet me akuza penale mbi pretendimet se gruaja e tij ka marrë përsipër fajin për shkeljet për vozitje të shpejtë në trafik, që i kishte bërë ai.
Hjun tha përmes një deklarate se ai ishte i pafajshëm dhe se vendimi për ta akuzuar ishte “thellësisht për keqardhje”.
Shkelja e pretenduar ka ndodhur në vitin 2003 dhe që nga atëherë Hjun dhe gruaja e tij janë ndarë. Hjun dhe ish gruaja e tij pritet të paraqiten në gjykatë më 16 shkurt.