МАКЕДОНСКА РАДИО ТЕЛЕВИЗИЈА

сабота, 18 февруари 2012, 21:20

За една недела истекува рокот за важење на старите лични документи

Наташа Гркова Петрушевска

Уште една недела до истекувањето на рокот за  промена на старите со нови биометриски лични карти и патни исправи. Некои од  немукает или по онаа нашата „има време“ се уште не ги замениле. Време е да го фатат последниот воз. Доколку не ја исполнат оваа обврска, од 27 февруари може да се соочат со неможност да подигнат пари од банка, да се идентификуваат или легитимираат. По истекот на законскиот рок, старите документи ќе бидат невалидни во правниот промет во Република Македонија.

Tука МВР единствено може да апелира граѓаните што е можно побрзо да побараат да аплицираат за промена на личните карти за да може што побргу да ја добијат за да не се соочат со никакви проблеми, вели Котевски.

МВР за истекот на рокот за промена на старите патни исправи  ќе го информира и МНР, кое пак преку дипломатските претставништва  ќе ги извести државите дека  ќе важат само биометриските пасоши. Крајниот рок го зголеми интересот на граѓаните кои не успеале да ги сменат старите со нови лични карти. МВР нема да ги казнува  оние кои не успеале да ги променат документите до одредениот рок.

Што се однесува до МВР, сите апликации,термини за лична карта ќа се сметаат за валидни, така што МВР нема да ги санкционира оние граѓани кои не успаеале до 27 февруари да извадат нова лична карта и покрај тоа што е тоа нивна обврска, бидејќи ние поседуваме и друг начин  како да идентификуваме одредено лице, рече Котевски.

Според статистиката, сменети се над  милион  и 400  илјади  лични карти, а голем дел од граѓаните располагаат и со нови биометриски пасоши, издадени  се над  милион и 600 илјади. За промена, пак, на возачките дозволи остануваат уште 8 месеци. Крајниот рок  е октомври. Закажувањето за поднесување барање  за издавање лична документи, граѓаните  кои имаат живеалиште во Скопје, имаат можност да го направат тоа преку бесплатниот телефонски број 080019292 или преку веб-страницата на МВР преку Контакт центарот за закажување и проверка на личните документи. Од МВР известуваат и за можноста сите граѓани во Република Македонија кои немаат важечка лична карта  можат, без закажување, веднаш да поднесат барање за издавање нова лична карта во подрачните единици на Министерството, според нивното живеалиште.