среда, 22 февруари 2012, 23:31
Манчестер Сити се поигра со шампионот Порто и го исфрли од Лигата на Европа
Манчестер Сити го декласираше на домашен терен Порто со 4:0 во реванш натпреварот од 1/16-финалето во Лига Европа и со вкупен резултат 6:1 се пласираше во 1/8-финалната фаза на турнирот.
Головите за успехот на "граѓаните" ги постигнаа аргентинскиот напаѓач Серхио Агуеро (1), репрезентативецот на Босна и Херцеговина Един Џеко (76), Давид Силва (84) и Давид Пизаро (86).
Така Манчестер Сити се пласираше во 1/8-финалето, каде што ќе се соочи со победникот од дуелот помеѓу Легија (Варшава) и Спортинг (Лисабон).
Првиот натпревар меѓу нив заврши 2:2 а се играше во Полска. Ова беше единствениот натпревар кој се одигра вечерва, додека реванш дуелите од останатите натпревари се играат утре.