КОНТАКТe-mail: marketing@mrt.com.mk
slobodan.mladenovik@mrt.com.mk
Телефон: 5511-795 5511-784ЈП МАКЕДОНСКА РАДИО ТЕЛЕВИЗИЈА
ЦЕНОВНИК ЗА МАРКЕТИНГ УСЛУГИ
МАКЕДОНСКА ТЕЛЕВИЗИЈА
ЦПП АРАНЖМАН 2013
ОПШТИ УСЛОВИ НА ДОГОВАРАЊЕ1. CPP – Cost per point договори
1.1 ЈП Македонска Радио Телевизија склучува CPP договори со своите клиенти. Основен критериум за склучување CPP договори е нивото на буџетот искористен за ТВ реклами во текот на годината.
1.2
CPP – Cost per point претставува нето цена на еден рејтинг поен, а податоците за рејтинзите ги дава компанијата
AGB Nielsen Media Research која ги извршува овие испитувања.
1.3 Изразените цени се за 1 рекламен спот од 30” при остварен рејтинг 1.
1.4 При пресметката за потреби на фактурирањето, корекција на остварените рејтинг поени согласно времетраење на спот ќе се направи на тој начин што остварените ГРП се делат со 30, а се множат со времетраење на спотот (еквиваленти ГРП) . Минимална вредност за пресметка за 30”CPP е еден рејтинг поен. Доколку остварениот рејтинг согласно истражувањата е помал од 1 рејтинг поен, во тој случај за минимална основна вредност за целите на оваа пресметка ќе се земе 1 рејтинг поен.
2. Попусти2.1 Основниот попуст за маркетинг агeнциите изнесува 10 %
2.2 Агенцијата се стекнува со право на основниот агенциски попуст со потпишување и реализација на договорите за огласување под услов Агенцијата да биде регистрирана како маркетинг агенција и да е регистрирана како правно лице во Република Македонија.
2.3 Агенциите и клиентите кои со договор склучен со ЈП МРТ ќе се обврзат на годишен буџет добиваат и следниве попусти:
• За минимум
50.000,00 евра нето во период од една година, се одобрува дополнителен попуст од 3 %
• За минимум
80.000,00 евра нето во период од една година, се одобрува дополнителен попуст од 5 %
• За минимум
125.000,00 евра нето во период од една година, се одобрува дополнителен попуст од 7 %
• За минимум
250.000,00 евра нето во период од една година, се одобрува дополнителен попуст од 10 %
2.4 Агенциите и клиентите кои со договор со ЈП МРТ ќе се обврзат на годишен буџет можат да добијат дополнителен попуст за авансна уплата и тоа:
• за авансна уплата од 40 % од договорениот годишен буџет се одобрува попуст од 4 %.
• за авансна уплата од 60 % од договорениот годишен буџет се одобрува попуст од 6 %.
• за авансна уплата од 100 % од договорениот годишен буџет се одобрува попуст од 10 %.
2.5 Попустот од точка 2.1 е попуст кој се одобрува исклучиво на маркетинг агенции, додека останатите правни лица кои ќе склучат договори за рекламирање со МРТ можат да ги остварат другите попусти согласно условите пропишани во овој ценовник.
2.6 Сите попусти ќе се калкулираат при потпишување на договорот и ќе бидат негов составен дел. ЈП МРТ го задржува правото квартално да го анализира искористувањето на договорениот буџет и доколку утврди отстапки кои не се оправдани мора да го извести клиентот и ќе направи корекција на дадените попусти со издавање на финансиско задолжување.
2.7 Клиентот или маркетинг агенцијата треба да го следи исполнувањето на бројот на GRP кои следуваат согласно договорената сума и CPP и да го исполнат во времетраењето на договорот. Во спротивно ЈП МРТ не превзема никаква одговорност.
2.8 Клиентот може да го користи откупеното рекламно време до истекот на годишниот договор, односно истото неможе да го користи по истекот на договорот,освен во исклучителни случаи кога постои реална причина прифатлива за ЈП МРТ или поради виша сила. Клиентот или маркетинг агенцијата со анекс на договорот може да го искористи неискористеното рекламно време во рок од 45 денови по завршување на договорот.
2.9 Клиентот или маркетинг агенцијата има право да склучи CPP договор и на пократок период од една година каде попустите од точка 2.3 и 2.4 не важат освен за 100% авансна уплата.
2.10 При месечното фактурирање ќе бидат земени во предвид post buy резултатите на AGB Nielsen Media Research за пресметковниот месец
3. Основни цени | | МТВ1 | МТВ2 | |
| 30”CPP, All 4+ | 20,00 евра | 10,00 евра | |
| 30”CPP,All 20-50 | 25,00 евра | 12,50 евра | |
| 30”CPP,All 15-45 | 28,00 евра | 14,00 евра | |
| 30”CPP F 18-50 | 25,00 евра | 12,50 евра | |
| 30” CPP, M 18-50 | 25,00 евра | 12,50 евра | |
| Поп ап (до 10 сек) | МТВ1 | МТВ2 |
| 17:00-23:00 | 70,00 евра | 35,00 евра |
| Останати термини | 30,00 евра | 15,00 евра |
| | | |
3.1 Емитување на лого на часовник во траење од 30 секунди
• Пред Дневник 1 на МТВ1.................. 5.000,00 евра/месечно
• Пред Дневник 2 на МТВ1.................15.000,00 евра/месечно
• Пред Дневник 3 на МТВ1...... ..........10.000,00 евра/месечно
• Пред Дневник 1 на МТВ2...................7.000,00 евра/месечно
• Пред Дневник 2 на МТВ2.................. 3.000,00 евра/месечно
3.2 Комерцијална презентација
• Емитување на комерцијална презентација
- МТВ 1 ......................................... 2,50 евра/секунда
- МТВ 2 ......................................... 1,25 евра/секунда
4. Корекција на цените• За позиционирање во рекламен блок,прв или последен во рекламниот блок, цената се зголемува за 20 %
• За обезбедување ексклузивност во рекламниот блок во однос на конкурентски, сродни производи, цената се зголемува за 100%, со услов ТВ спотот да не биде пократок од 20 секунди.
• За ексклузивно емитување на 1 тв спот во рез (solo cut) цената се зголемува за 200%
• Во случај на истовремено претставување на повеќе огласувачи,производи или услуги во еден рекламен спот, цената на емитување се зголемува за 20% на основните цени од ценовникот.
• Ексклузивноста не подразбира и избор на позиција во рекламниот блок.
• Управниот одбор на ЈП МРТ, на барање на работоводниот орган на ЈП МРТ, може да одобри поголем попуст.
5. Спонзорство на програмите на МТВ• ЈП МРТ може да склучи договор за спонзорирање на програмски содржини, а спонзорството ќе се уредува со посебен договор одобрен од страна на Управниот Одбор на ЈП МРТ
6. Коефициенти за корекција на цените според временски интервал и сезони | 17:00 до 23:00 ч | 1,3 |
| Останати термини | 1 |
| Годишен период | Коефициент |
| Од 01.07 до 31.08 | 0,7 |
| Од 01.09 до 31.10 | 1 |
| Од 01.11 до 20.01 | 1,3 |
| Од 21.01 до 29.02 | 0,8 |
| Од 01.03 до 01.07 | 1 |
7. Посебни услови на договарање • ЈП Македонска Радио Телевизија го задржува правото за одделни емисии, програми за кои се откупени ТВ права и големи настани (Избор на песна за Евровизија, Светски или Европски Првенства, Олимпијади, настапи на македонски репрезентации на меѓународна сцена, спортски настани, какои за програми од посебен, јавен и национален интерес и слично) со посебна одлука на раководен орган да изврши измена на CPP цените, или да изготви посебна понуда за овој тип настани и да склучи одделни договори со клиентите.
• За буџетите потрошени за програми за кои постои посебна понуда не важат одредбите од ценовникот за CPP аранжман.
• Фактурирањето кон клиенти и маркетинг агенции ќе се врши по истек на тековниот месец односно до 10 ден секој месец, освен доколку е постигнат договор за авансно плаќање на услугата за ТВ рекламирање.
• Плаќањето кон ЈП МРТ се извршува во рок договорен со клиентот или маркетинг агенцијата но не подолг од 30 денови од денот на фактурирањето.
• Во случај кога огласувачот не ги подмири долговите за емитувана ТВ реклама, ЈП МРТ има право да ги одбие новите нарачки за емитување на ТВ реклами.
• На барање на ЈП МРТ клиентот или маркетинг агенцијата е должна да достави обезбедување за плаќањето.
• Цените се во евра, а се пресметуваат во денарска противвредност според средниот курс на НБМ на денот на фактурирањето
• При фактурирањето се пресметува ДДВ 18%
• За клиенти и маркетинг агенции од странство важи истиот ценовник и услови со тоа што плаќањето за извршената услуга мора да биде 100% авансно, а плаќањето се извршува на девизната сметка на ЈП МРТ.
• Во случај на доцнење на плаќањето на доставените фактури ЈП МРТ пресметува камата.
• Клиентите или маркетинг агенциите имаат право на рекламација на извршената услуга во рок од 3 (три) денови од извршувањето на услугата и по овој рок ЈП МРТ нема да ја земе предвид рекламација.
• Клиентите имаат право на рекламација на доставената фактура во рок од 8 (осум) денови од денот на приемот на фактурата и по овој рок ЈП МРТ нема да ја признае рекламацијата
8. Останати услови• ЈП МРТ го задржува правото за измена на програмската шема.
• ЈП МРТ гарантира еднакви услови кон сите клиенти и маркетинг агенции, а особено посебните услови на договарање.
• Содржината на сите склучени договори е деловна тајна, како и сите разменети податоци во текот на преговарањето при склучувањето на договори и податоците не смеат да се изнесуваат во јавност, освен според законските обврски.
• Емитувањето на ТВ рекламите е во договор со клиентот или маркетинг агенцијата, односно по доставен медиа план од страна на нарачателот.
• Клиентите и маркетинг агенциите треба да го достават рекламниот материјал и медиа плановите 48 часа пред емитувањето
• Доставените рекламни материјали треба да одговараат на програмските и техничките стандарди на ЈП МРТ, во спротивно нема да се емитуваат
• Доставените рекламни материјали треба да одговараат на законските прописи, во спротивно нема да се емитуваат.
• Доставените рекламни материјали треба да бидат со пропратна декларација според законот.
• ЈП МРТ има право да не емитува ТВ реклами доколку во терминот на емитување на ТВ рекламите се емитува друга емисија од јавен интерес или поради виша сила.
• ЈП МРТ има право на промена на ценовникот за маркетинг услуги, а клиентите ќе користат маркетинг услуги според стариот ценовник до завршување на договорот.
• Ценовникот за маркетинг услуги на ЈП МРТ е општ акт објавен на веб страната на ЈП МРТ и е достапен до сите клиенти и маркетинг агенции.
• Ценовникот стапува на сила на ден 01.01.2013 година и е со важност до 31.12.2013 година
МАРКЕТИНГ ЦЕНОВНИК
МАКЕДОНСКО РАДИО
2013 ГОДИНА
ОПШТИ УСЛОВИ
1. Основни Цени:Македонско радио Прва програма – Радио Скопје: | СОДРЖИНА | ТРАЕЊЕ | ЦЕНА ВО ДЕНАРИ |
| Порака, соопштение, спот | 1 сек. | 22 |
| Комерцијална презентација Илустрирана репортажа | до 3 мин. | 820 (Секоја мин. +270) |
| Слоган/ Џингл | 10- 15 сек. | 500 |
Македонско радио- Радио 2:
| СОДРЖИНА | ТРАЕЊЕ | ЦЕНА ВО ДЕНАРИ |
| Порака,соопштение,спот | 1 сек. | 20 |
| Комерцијална презентација Илустрирана репортажа | до 3 мин. | 810 (Секоја мин.+240) |
| Слоган/ Џингл | 10- 15 сек. | 500 |
Македонско радио Трета програма на етнички заедници:
| СОДРЖИНА | ТРАЕЊЕ | ЦЕНА ВО ДЕНАРИ |
| Порака,соопштение,спот | 1 сек. | 15 |
| Комерцијална презентација Илустрирана репортажа | до 3 мин. | 600 (Секоја мин.+200) |
| Слоган/ Џингл | 10- 15 сек. | 400 |
Најслушани емисии со посебна цена:Утврдените цени се зголемуваат при емитување на следниве емисии:
Прва програма-радио 1: | ЕМИСИЈА | ВРЕМЕ | ДЕН | ЦЕНА |
| Утринска програма | 06.00-10.00 | Понеделник-Петок | +15% |
| Пладневен радио весник | 15.30-16.00 | Понеделник-Недела | +30% |
| Културна клучалка | 13.00-14.00 | Понеделник-Петок | +10% |
| Хихириху | 11.00-12.00 | Недела | +10% |
| Музички трендови | 10.00-11.00 | Понеделник-Петок | +15% |
| Спорт-музика-спорт | 16.00-18.00 | Сабота | +20% |
| Ноќна програма | 22.30-01.00 | Понеделник-Недела | +10% |
Втора програма-радио 2:
| ЕМИСИЈА | ВРЕМЕ | ДЕН | ЦЕНА |
| Утр. будење со Тик-Так | 07.00-08.30 | Понеделник-Петок | +10% |
| Тајм Аут – спорт | 15.00-16.00 | Понеделник-Недела | +20% |
| Улица Македонија | 13.00-14.00 | Понеделник-Петок | +10% |
| Заборави ако можеш- евергрин емисија | 14.00-15.00 | Понеделник-Петок | +20% |
2. Попусти:Основниот агенциски попуст изнесува 10%. Агенцијата се стекнува со право на основниот агенциски попуст со потпишување и реализација на договорите за огласување под услов Агенцијата да биде регистрирана како маркетинг агенција и да е регистрирана како правно лице во Република Македонија.
Агенциите и клиентите кои со договор склучен со ЈП МРТ ќе се обврзат годишен буџет добиваат и следниве попусти:
| Годишен буџет | Попуст |
| Над 100.000 ден. | 10% |
| Над 300.000 ден. | 15% |
| Над 600.000 ден. | 20% |
3. Посебни услови на договарање:• ЈП Македонска Радио Телевизија го задржува правото за одделни емисии, програми за кои се откупени радио права и големи настани (Избор на песна за Евровизија, Светски или Европски Првенства, Олимпијади, настапи на македонски репрезентации на меѓународна сцена, спортски настани, какои за програми од посебен, јавен и национален интерес и слично) со посебна одлука на раководен орган да изврши измена на цените, или да изготви посебна понуда за овој тип настани и да склучи одделни договори со клиентите.
• ЈП МРТ може да склучи договор за спонзорирање на програмски содржини, а спонзорството ќе се уредува со посебен договор одобрен од страна на Управниот Одбор на ЈП МРТ
• Фактурирањето кон клиенти и маркетинг агенции ќе се врши по истек на тековниот месец односно до 10 ден секој месец, освен доколку е постигнат договор за авансно плаќање на услугата за радио рекламирање.
• Плаќањето кон ЈП МРТ се извршува во рок договорен со клиентот или маркетинг агенцијата но не подолг од 30 денови од денот на фактурирањето.
• Во случај кога огласувачот не ги подмирил долговите за емитувана радио реклама, ЈП МРТ има право да ги одбие новите нарачки за емитување на радио реклами.
• На барање на ЈП МРТ клиентот или маркетинг агенцијата е должна да достави обезбедување за плаќањето.
• При фактурирањето се пресметува ДДВ 18%
• За клиенти и маркетинг агенции од странство важи истиот ценовник и услови со тоа што плаќањето за извршената услуга мора да биде 100% авансно, а плаќањето се извршува на девизната сметка на ЈП МРТ.
• Во случај на доцнење на плаќањето на доставените фактури ЈП МРТ пресметува камата.
• Клиентите или маркетинг агенциите имаат право на рекламација на извршената услуга во рок од 3 (три) денови од извршувањето на услугата и по овој рок ЈП МРТ нема да ја земе предвид рекламација.
• Клиентите имаат право на рекламација на доставената фактура во рок од 8 (осум) денови од денот на приемот на фактурата и по овој рок ЈП МРТ нема да ја признае рекламацијата
ПОСЕБНИ УСЛОВИ ЗА РЕКЛАМИРАЊЕ НА РАДИО
• ЈП МРТ го задржува правото за измена на програмската шема.
• ЈП МРТ гарантира еднакви услови кон сите клиенти и маркетинг агенции, а особено посебните услови на договарање.
• Содржината на сите склучени договори е деловна тајна, како и сите разменети податоци во текот на преговарањето при склучувањето на договори и податоците не смеат да се изнесуваат во јавност, освен според законските обврски.
• Емитувањето на рекламите е во договор со клиентот или маркетинг агенцијата, односно по доставен медиа план од страна на нарачателот.
• Клиентите и маркетинг агенциите треба да го достават рекламниот материјал и медиа плановите 48 часа пред емитувањето
• Доставените рекламни материјали треба да одговараат на програмските и техничките стандарди на ЈП МРТ, во спротивно нема да се емитуваат
• Доставените рекламни материјали треба да одговараат на законските прописи, во спротивно нема да се емитуваат.
• Доставените рекламни материјали треба да бидат со пропратна декларација според законот.
• ЈП МРТ има право да не емитува радио реклами доколку во терминот на емитување на радио рекламите се емитува друга емисија од јавен интерес или поради виша сила.
• ЈП МРТ има право на промена на ценовникот за маркетинг услуги, а клиентите ќе користат маркетинг услуги според стариот ценовник до завршување на договорот.
• Ценовникот за маркетинг услуги на ЈП МРТ е општ акт објавен на веб страната на ЈП МРТ и е достапен до сите клиенти и маркетинг агенции.
• Ценовникот стапува на сила на ден 01.01.2013 година и е со важност до 31.12.2013 година
Скопје,____________2012 година Претседател на Управен Одбор
___________________________
Дарко Стефановски